NAZIOARTEKO HARREMANAK

Lanbide Heziketako ikasleen mugikortasuna sustatzeko Erasmus+ programan parte hartzen du Lea Artibai Ikastetxeak, baina mugikortasunerako programez gain, bestelako proiektuetan ere parte hartzen dugu.

Praktikak atzerrian egitea eta Europear proiektuetan parte hartzea ahalbideratzen duen agiria: Erasmus charter of HE2021-2027_stamped.pdf

Europako Gizarte Funtsak diruz lagunduko programa baten baitan 2015-2016 ikasturtetik, Lea Artibai Ikastetxeak Leartikerrekin lankidetzan TEP programa antolatzen dihardu . TEP programan bertoko zein nazioarteko ingeniariak polimeroen arloan eta ekintzailetzan prestakuntza jasotzen dute eta ondoren enpresetan proiektua lantzen dute. Helburua enpresek beharrezkoak dituzten profilak lantzea eta bereziki Euskal Herriko enpresek atzerriko plantetarako behar dituzten bertako profesionalak trebatzea ere bada. Programa hasi zenetik Mexiko, India eta Txinako profesionalek parte hartu dute TEP egitasmoan.

Bestalde, Lanbide Heziketako Sailburuordetzak bultzatzen dituen programen artean, nazioartekotzeak bere garrantzia dauka eta Tknikarekin elkarlanean Lea Artibai Ikastetxeak azken ikasturteetan Txile eta Mexikoko ikasleen prestakuntzarako ikastaro eta programa bereziak antolatu ditu. Txileko gobernuarekin batera Técnicos para Chile izeneko egitasmoaren baitan 115 ikasle baino gehiago trebatu ditugu alor ezberdinetan, eta bereziki Elikagaien arloan. Ikastetxean prestakuntza jaso ondoren, ikasle guztiek bertoko enpresetan praktikaldiak burutu dituzte.

Mexikoren kasuan Capacitación Sin Fronteras egitasmoan gazte mexikarrak ikastetxean formakuntza teorikoa jaso ondoren, bertoko enpresetan egonaldiak egiten dituzte. Praktikak egiten dituzten enpresek, oinarria EAEn izanda, Mexikon ere lantokiak dituzte eta programaren helburua da Mexikoko plantetan lan egingo duten gazteek jatorriko etxea ezagutzea eta lan egiteko erak bertatik bertara ezagutzeko aukera izatea.