2026-05-14
Topaketan zehar, inklusioa, elkartasuna, ekimena eta interdependentzia bezalako balioak landu ziren, ikastetxeen arteko elkarrizketa eta elkarrengandik ikasteko aukera indartuz.
Lea Artibai Ikastetxeak martxoan izandako esperientzia aurkeztu zuen topaketan. Orduan, gure irakasle ohiek, Mari Tere Bengoa eta Jose Luis Goikoetxea, ikasleekin elkartu ziren beren ibilbide profesionala eta bizipenak partekatzeko.
Mari Tere Bengoa Administrazioa eta Finantzetako ikasleekin aritu zen, eta Jose Luis Goikoetxea, Fabrikazio Mekanikoko ikasleekin. Saio horietan, garai ezberdinetako Lanbide Heziketaren errealitatea aztertu zuten, eta ikasleek iraganeko esperientziak gertutik ezagutzeko aukera izan zuten.
Martxoko saio horretan jasotako testigantzek osatu zuten atzoko ekitaldira bidali genuen bideoa, eta gainerako ikastetxeek ere beren esperientziak partekatu zituzten ikus-entzunezko formatuan.
Ekitaldia iTlent erakundeak antolatu zuen, belaunaldi desberdinen arteko lankidetza eta ezagutza trukea sustatuz.
Ekitaldirako prestatu genuen bideoa hemen ikus daiteke: https://flic.kr/p/2scRoir
