2026-03-05
Ikerketan, gure ikastetxeko Elikagaien Teknologia arloko irakasleak ari dira parte hartzen. Bere gidaritzapean, sagardo naturaleko bakterio azido-laktikoen ezaugarri probiotikoak identifikatu eta aztertzen ari dira, etorkizunean sagardoaren patsetik eratorritako probiotiko osasungarriak dituen esneki berritzaile bat garatzeko oinarriak ezartzeko.
Proiektuaren berri eman dute Teknopolis saioan, txotx denboraldiarekin bat eginez sagardogintzaren berrikuntzak ardatz izan dituen atalean. Erreportajean, Villabona-Amasako Otalarrea sagarraren esperimentazio-zentroa ( Gipuzkoako Foru Aldundia ) eta Zizurkilgo Fraisoro laborategiko jarduna ere erakutsi dituzte.
Horrez gain, Sagarlup izeneko edari berria aurkeztu dute, sagar-muztioa eta lupulua hartzituz egindakoa, Euskal Herriko Unibertsitateko Iñaki Santosen laguntzarekin garatua.
Saio osoa hemen ikusgai: Teknopolis: 2026-03-28 - Teknopolis
“Babes BALak” proiektuari buruzko atala 7:45 minututik aurrera ikus daiteke.
Beste albisteak ikusi
