2024-04-23
Iazko arrakastaren ondoren, aurten ere hitzordua jarri dugu gurekin bizi diren kultura ezberdinekin bat egiteko, elkar ezagutzeko eta kultura-aniztasuna ospatzeko. 10 stand jarri dira, egun dauden Lanbideko ikastaro bakoitzeko bat, jaki eta produktu ezberdinekin. Bigarren eskuko gauzak ere izan dira, behar dituenak ordaindu gabe hartzeko, hala nola, arropak, liburuak, jolasak, eta abar. Musika, janari, dantza, jolas eta beste jarduera batzuen bidez kultura ezberdinen inguruan ikasteko aukera aparta izan da.
Ekitaldia goizeko 11etan hasi zen fusio-ekitaldi batekin, bertso saioa senegaldar perkusioarekin lagunduta. Jarraian, standak bisitatzeko, Hennarekin azalean irudiak margozteko edota Herri kiroletan parte hartzeko aukera izan zen. Bukatzeko, herrialde ezberdinetako dantzak eta musika entzun ahal izan ziren eta 13:30ak arte luzatu zen jaia.
Argazkiak ikusteko egin klik
