2023-11-07
Eusko Jaurlaritzako Hezkuntza Sailaren Lanbide Heziketako Sailburuordetzak sustatutako eta TKNIKAK koordinatutako URRATS BAT ekimena, Lanbide Heziketako ikasleek beraien enpresak sortzen laguntzeko programa da.
Lanbide Heziketako ikasleak ekintzailetzan heztea izan da helburuetako bat. Lau saio ezberdin antolatu dira eskolan bertan, alde batetik DEMAko teknikari bat izan da, (Bizkaiko Foru Aldundiaren Enplegua, Gizarte Inklusioa eta Berdintasuna Sustatzeko Sailaren Enplegu eta Ekintzailetza Foru Agentzia da DEMA) eta besteak beste Enpresari lehiaketa azaldu zuen. Aldi berean, saio bakoitzean ekintzaile bat ere etorri zen bere esperientzia azaltzera. Beste alde batetik, Leartibai Fundazioko ekintzailetzan aritzen den teknikaria ere berton izan genuen, eta eskualdean egiten duten lana eta eskaintza ere aurkeztu zuen.
Guztira, 72 ikaslek eta 6 irakaslek parte hartu zuten ekintzetan. Bi ikaslek Enpresari Sarian izena eman dute eta euren ideiak defendatu beharko dituzte.
