2023-10-04
Ekitaldi honetan parte hartu dute gure Batxilergoko Gillen Pagaldai, Mikel Ugarteburu, Aiert Zamora eta Aimar Vicente ikasleak, Itxasne Beaskoetxea fisikako irakaslearekin batera.
Topaketa hauen helburu nagusia, hain zuzen, gazteen artean bokazio zientifikoak sustatzea eta zientziarekiko jakin-mina piztea da. Horretarako, hizlarien biografiak aldez aurretik lantzen dituzte ikasleek ikasgeletan. Ekitaldian, parte hartzen duten ikastetxe guztiek galderak egiteko aukera izaten dute, zozketa dibertigarri baten bitartez.
Pedro Miguel Etxenikerekin batera, Donna STRICKLAND, Fotonika, University of Waterloo, (Kanada) Fisikako Nobel Saria 2018 eta George SMOOT, Kosmologia, DIPC, Lawrence Berkeley Laborategi Nazionala, Fisikako Nobel Saria 2006 aritu dira Bilboko ekitaldian, bertan, gonbidatutako zientzialariek zientziarekiko eta ikerketarekiko duten pasioari buruz hitz egin dute eta, bide batez, bertaratu diren ikasleek egindako galderei erantzuteaz gain, beren ibilbide profesionalean metatutako bizipenak eta esperientziak partekatu dituzte.
