LAIkoloreak azoka
2023-05-12
Azoka berezi bat antolatu dugu, bertan Lanbideko ikastaroetako ikasleek herrialde ezberdinetako kultura ekarri digute eta euren herrialdeko jaki tipikoak, jantzi bereziak, musika,... ikusi, ezagutu eta dastatzeko aukera izan dugu.
Ekimena Ikastetxeko gainerako ikasle eta herriko biztanleentzako irekia izan da, kultura ezberdinen ohiturak eta bitxikeriak erakusteko. Helburua gure herriko kaleetan edota ikastetxeko pasilloetan elkarrekin bizi diren kultura ezberdinak integratzea izan da.
2. eskuko materiala ere izan da, arropa, oinetako, liburu, jolas.... bakoitzak etxean duena eta erabiltzen ez duena berton utzi eta beste zerbait behar izanez gero hartzeko aukera izan du, horrela birziklapen filosofia lantzea ere izan dugu jopuntu.
Eta azpimarratzekoa: ez dela salmentarik izan, ez da ezer kobratu, ez bigarren eskuko materialagaitik ezta egon diren jakiengatik ere.
Oso giro atseginean, errespetuz, aniztasunean elkarbizitza posible dela ikusi da azoka honetan.
Beste albisteak ikusi
