Ikasleak bolondres aritu dira Elikagaien Bilketan

Aurten ere, gure ikastetxeko batxilergoko eta zeregin gelako ikasleek bolondres lanetan parte hartu dute Elikagaien Bankuan, Markina-Xemeingo supermerkatuan. Elikagaien Bankua irabazi-asmorik gabeko erakunde bat da, apolitikoa eta akonfesionala, eta gosea, pobrezia eta elikagaiak alferrik galtzea saihesten laguntzen du, janaria behar handiena duten pertsonen artean banatuz eta ingurumenaren zaintzan lagunduz.

Erosketa berdearen tailerra Kontsumobiderekin

Kontsumo arduratsuaren inguruko dinamiken baitan, Lea Artibai Ikastetxean Erosketa Berdeari buruzko tailer berezia burutu dugu. Kontsumobideko adituek saio praktiko eta dinamikoa eskaini diete 1. Batxilergoko ekonomiako ikasleei eta Zereginen Ikaskuntzarako Gelako (ZIG) ikasleei, kontsumo-ohiturek ingurunean eta gizartean duten eragina ulertzeko eta alternatiba jasangarriak ezagutzeko aukera emanez.

Deusto Unibertsitateak orientazio-saioak eskaini ditu Lea-Artibai Ikastetxean

Deusto Unibertsitateko ordezkariak Lea Artibai Ikastetxera gerturatu dira orientazio-saioak ematera, ikasleei etorkizuneko ikasketa-aukerak zehazteko baliagarria izango zaien informazioa eskaintzeko asmoz. Jardunaldia hiru talde espezializatuetan antolatu da: Ingeniaritzak; Esku-hartze soziala, hezkuntza eta osasuna; eta Komunikazioa, politika zientziak, enpresa, zuzenbidea eta hizkuntzak.