2024-10-28
Urteak daramatzagu Txileko unibertsitate ezberdinekin harremanetan baina, aurretik ikasleak izan baditugu ere, aurtengoan 5 laguneko irakasle talde bat etorri da gurera.
9 egunetan, formazio ezberdinetako irakasleak neurrira diseinatutako programa bat burutu dute. Beraien helburua, gure irakaskuntza-metodologiak hurbiletik ezagutzea eta gure kultura eta testuingurua ulertzea izan da.
Beren egonaldian zehar, irakasleek hainbat jardueratan parte hartu dute, hala nola, tailer bereziak, gure metodolgiez gain beste ikastetxe bat ere ezagutu dute horri esker ikusi ahal izan dute nola lan egiten dugun eta zerk motibatzen gaituen gure hezkuntza-ereduan.
Programa hau aukera ona izan da gure egitekoa aberasteko, nazioarteko lankidetza sustatzeko eta espero dugu gure erakundeen arteko harremana sendotzeko balio izana.
