Ongi etorri :: Berriak Elikagaien Industriako ikasleak Basque Culinay Center-ekoekin elkarlanean
2020/11/17
Hirugarren urtea da Basque Culinary Centerreko Gastronomia eta Sukaldaritzako Arteen Graduko ikasleekin lankidetzan jarduerak antolatzen ditugula. Izan ere, gradu honetako 3. eta 4. ikasturtean Elikagaien Industriako espezialitatea aukeratzeko okasioa dute eta Lea Artibai Ikastetxeko Ekoizpena eta Kalitatea Elikagaien Industrian goi mailako heziketa zikloko ikasleekin elkarlanean aritzeko aukera paregabea da. Alde batetik, BCCko ikasleek produktu berritzaile eta sormenerako gaitasuna ekartzen dituzte eta gure ikasleek, aldiz, elikagaien industrian erabiltzen diren teknologia, kalitatea eta analisien ikuspuntua. Bi erakundetako ikasleak nahastutako taldeetan lau proiektu ezberdinetan lanean aritu ziren:
- Herrialde azpigaratuetan kontsumitzeko glutenik gabeko ogia
- Alkoholik gabeko ginebra zaporedun edari destilatua
- Garagardo artisaua
- Goxoki hezitzaileak, bere azukre eduki baxuago eta pHaren araberako kolore aldaketarekin
Talde bakoitzaren ideiak gainontzekoen aurrean aurkeztu zituzten eta, azkenik, BCCko instalakuntzak ezagutu genituen lanean jardundako talde txikitan.
Datorren abenduaren 15ean haiek izango dira gure eskolara etorriko direnak eta produktu berdinen prototipoak edukita, elikagai horiei froga ezberdinak egitea izango da asmoa.
